As cifras de 2009 mostran a solidez e a confianza que os clientes seguen depositando en Copcisa ano tras ano. De entre as contratacións máis significativas en 2009 destacan a estrada N-337 de acceso sur ao Porto de Gandía (Valencia), a protección acústica da Liña de Alta Velocidade no tramo La Roca-Riudellots (Barcelona) ou a rede de distribución do sistema Segarra-Garrigues en Lleida.

En edificación, destacan tamén obras como o Centro de Deseño de Barcelona, a ampliación de varios pavillóns do recinto Fira de Barcelona, a urbanización La Rinconada (Sevilla), a estación de AVE en Requena-Utiel (Valencia) ou a nova sede da biblioteca pública do estado en Badaxoz.

A produción alcanzou os 338 M€. Entre enxeñaría civil e edificación leváronse a cabo un total de 117 obras repartidas por toda a xeografía española.

A carteira de obra a finais de 2009 sitúase nos 625 M€ e con un reparto certamente positivo nas actuais circunstancias. En construción, o 67% da carteira corresponde a obra civil, o 2% corresponde a servizos e o 31% restante corresponde a obras de edificación, sendo case na súa totalidade obras de equipamentos (non residencial).

Esta mesma carteira repártese case a partes iguais entre a Administración Central (35%), a Autonómica (31%) e os Clientes Privados (27%), quedando o resto para as Administracións Locais (7%). Trátase dunha carteira moi equilibrada na que diminuíu a obra de vivendas compensándose amplamente cun grande incremento de obras de edificación de carácter non residencial.